>
  • Hernández explicou que, “cando quedan so 69 días para as eleccións municipais, é un bo momento para facer un balance da intensa oposición que lle vimos facendo ao Goberno de Martiño Noriega, que se resume na imaxe dunha cidade que presenta a súa peor cara”
    • “Agora pechamos un mandato municipal frustrante, polo que o PP está seguro que é necesario saír deste bucle, polo que, nos vindeiros días, asinarei de forma solemne un contrato coa cidade, un contrato capital, con 27 cláusulas”
    • Resaltou tamén que estas medidas “servirán para encarar os vindeiros Xacobeos, tanto o de 2021, como o de 2027, motivo este polo que escollemos o número 27 como a cifra das nosas medidas, tamén elixido porque 27 serán os veciños que integren a nosa lista”
    • Durante a súa intervención, o candidato Popular subliñou que o único que se pode pedir é que o “señor Noriega se marche e hai que facelo por moitas razóns, entre elas, pola súa inoperancia, polo seu sectarismo e polo seu pasotismo”

    Santiago, 18 de marzo de 2019. O presidente do Partido Popular e candidato á alcaldía de Santiago, Agustín Hernández, anunciou hoxe, en rolda de prensa, que nos vindeiros días asinará un contrato con 27 medidas que servirán para “construír un Santiago que se a lonxe do desleixo ao que o ten afundida Compostela Aberta desde hai catro anos”.

    Hernández explicou que, “cando quedan so 69 días para as eleccións municipais, é un bo momento para facer un balance da intensa oposición que lle vimos facendo ao Goberno de Martiño Noriega”. “Este balance é o que teñen feito os veciños, que se resume na imaxe dunha cidade que presenta a súa peor cara”, remarcou.

    Así, concretou Agustín Hernández, “agora pechamos un mandato municipal frustrante, cunha total falta de proxecto e de rumbo, polo que o Partido Popular está seguro que, máis que nunca, é necesario desprenderse desa néboa que non nos deixa vivir o noso Santiago, para saír deste bucle, nos vindeiros días, asinarei de forma solemne un contrato coa cidade, un contrato capital, con 27 cláusulas”.

    Nestas 27 medidas están incluídas as tres que xa foron presentadas como son a de a maior baixada de impostos da cidade na súa historia; o novo aparcamento da avenida da Coruña, que suporía a recuperación do Campus Sur; e a demolición, este mesmo ano, da Casa da Xuventude, para abrir e recuperar o parque de Belvís”.

    Agustín Hernández resaltou tamén que “estas cláusulas son imprescindibles para recuperar a ilusión e servirán ademais para encarar como se merecen os vindeiros Xacobeos, tanto o de 2021, como o de 2027, motivo este polo que escollemos o número 27 como a cifra das nosas medidas, tamén elixido porque 27 serán os veciños que integren a nosa lista”.

    Pasotismo e inoperancia

    Durante a súa intervención, o candidato Popular subliñou que o único que se pode pedir é que o “señor Noriega se marche e hai que facelo por moitas razóns, entre elas, pola súa inoperancia, polo seu sectarismo e polo seu pasotismo”.

    Para Hernández, “neste momento Santiago atópase abandoado, cunhas zonas verdes sen o mínimo mantemento, cun transporte público sen vehículos novos, que están agardando por un novo contrato que non chega; cunha limpeza viaria e recollida de lixo totalmente obsoleta; e cun Casco Histórico abandoado a súa sorte, onde ninguén fixo nada por aprobar o seu Plan Especial, imprescindible para a súa correcta evolución”.

    Está claro que o Goberno de CA non foi quen de collerlle o pulso á cidade, explicou o dirixente Popular, e a consecuencia é que “a capital de Galicia vive atrapada entre contratos vencidos; licitacións anuladas, retrasos nos expedientes, o esperpento dos comedores escolares; a improvisación e falta de planificación; as obras inacabadas; a incapacidade de atender o día a día da tramitación municipal; o malgasto de cartos públicos en contratos menores, a maioría deles innecesarios; a entrega do patrimonio municipal a colectivos opacos e a desaparición do Consorcio, entre outras cousas.

    >
  • O grupo que dirixe Agustín Hernández propón un sistema de colaboración interinstitucional para mellorar a vixilancia tanto de inmobles como de espazos públicos
  • O Grupo Municipal Popular entende que un sistema de videovixilancia é imprescindible ás portas dos Xacobeos 2021 e 2027 e vista a incapacidade do Goberno de Martiño Noriega para asegurar dotacións de policía local nas rúas
  • No Pleno deste mes, os Populares tamén lle preguntaran ao Executivo local se o sistema de gravación contratado a instancias da Policía Local xa está operativo
  • Para o os Populares, resulta paradoxal que o Goberno de CA instale cámaras para castigar aos condutores e se negue a colocalas para disuadir aos vándalos
  • Santiago, 15 de maio de 2019.- O Grupo Municipal Popular insta ao Goberno de Compostela Aberta a desenvolver, coas debidas garantías, un sistema de vídeo vixilancia nas zonas máis sensibles da cidade, ao entender que tal sistema pode contribuír a mellorar a protección dos bens de importancia patrimonial e a propia seguridade das persoas.

    Os Populares consideran que esta medida é necesaria, especialmente, ás portas dos Xacobeos 2021 e 2027 e tendo en conta que nos atopamos nun momento no que o Goberno de Martiño Noriega é incapaz de asegurar dotación policial nas rúas, a consecuencia do conflito que decidiu manter coa propia Policía Local.

    A maior abunamento, o Grupo Municipal Popular, consciente de que a videovixilancia de inmobles e a videovixilancia do espazo público responden a réximes diferentes e con zonas de captación de imaxes diferentes, propón un sistema de colaboración interinstitucional.

    Para os Populares, resulta paradoxal que o Executivo de CA instale cámaras pensadas para castigar aos condutores e se negue a colocar cámaras pensadas para disuadir aos vándalos e para protexer bens e persoas, negativa que xa manifestou o grupo de Compostela Aberta en varias ocasións no Pleno, pese ás iniciativas do Grupo Popular.

    Finalmente, o Grupo Municipal Popular tamén preguntará no Pleno ordinario deste mes de marzo se xa se instalou o sistema de gravación contratado hai uns meses a instancias da Policía Local.

    >
  • Hernández mantivo unha reunión co consello de administración do club santiagués o pasado luns, onde coñeceu de primeira man os datos cos que puido concretar a iniciativa na que o seu equipo estaba a traballar
  • Esta medida non pode estar máis xustificada, xa que está comprobado que o 80% dos asistentes non locais aos partidos, chegaron a Santiago so como consecuencia do evento deportivo
  • En recentes tempadas, o impacto económico do club na cidade supuxo, case 3,5 millóns de euros, e tivo un reflexo efectivo en 102 países, nos que ten repercusión a liga ACB
  • O dirixente Popular asegurou que, nas súas propostas, a actividade deportiva en Santiago será un dos pilares do seu proxecto de futuro para a cidade, posto que considera que o deporte é unha actividade que desborda o contexto das propias competicións, beneficiando moitos aspectos da cidade, tanto no eido afeccionado como no profesional
  • Santiago de Compostela, 14 de marzo de 2019.- O presidente e candidato á alcaldía do Partido Popular de Santiago, Agustín Hernández, comprometeuse co Obradoiro a que, de ter a confianza dos santiagueses para gobernar a cidade a partir do vindeiro mes de maio, o seu Goberno aportará, de forma estable, unha asignación do 3% do gasto de capital do Concello para apoiar a esta entidade deportiva. Tamén suporía apoiar ao Club na implicación necesaria doutras administracións como a Deputación e Xunta de Galicia.

    Hernández mantivo unha reunión co Consello de Administración do club santiagués o pasado luns, onde coñeceu de primeira man os datos cos que puido concretar a iniciativa na que o seu equipo estaba a traballar.

    A aportación que ofrece a candidatura de Agustín Hernández non pode estar máis xustificada nin ser máis necesaria, posto que está comprobado que o 80% dos asistentes non locais aos partidos, chegaron a Santiago so como consecuencia do evento deportivo. Cabe sinalar que en recentes tempadas, o impacto económico do club na cidade supuxo case 3,5 millóns de euros e tivo un reflexo efectivo en 102 países nos que ten repercusión a liga ACB.

    O voceiro Popular, que fixo chegar a súa decisión ao Consello de Administración a través dunha carta, destacou que o club incrementaría a súa vinculación clara e permanente con Santiago, o que suporía visualizar a presencia da capital de Galicia na súa imaxe corporativa, así como a divulgación da cidade nos seus encontros e nos seus desprazamentos. Con esta medida, acadarase unha importante relación e visibilización da cidade ante milleiros de cidadáns en toda España.

    O Popular explicou que o que se busca é multiplicar en case 3,5 a aportación actual, a través da fidelización do Club coa cidade, así como a articulación de medidas que permitan aproveitar as potencialidades da entidade no deporte base santiagués, con actuacións coordinadas para fomentar o baloncesto, labores solidarias e colaboracións co tecido asociativo, entre outras propostas.

    Cabe sinalar que, no ano 2017, o Concello recolleu nos seus orzamentos unha subvención nominativa de 65.000 euros, o que implicaba un 0,59% das contas totais do Concello, destinado a gastos de capital. No orzamento de 2018, esta cantidade foi incrementada ata chegar aos 120.000 €, é dicir, o 0,87%.

    Tendo en conta isto e tras un detallado análise, Agustín Hernández considera que estas cantidades deben e poden ser incrementadas de forma substancial establecendo un marco de colaboración entre o Concello e o Club que, de maneira transversal entre os diferentes ámbitos municipais, permita visualizar un compromiso claro do Concello coa entidade, así como do Club coa cidade.

    Na misiva, o dirixente Popular asegurou que nas súas propostas a actividade deportiva en Santiago será un dos pilares do seu proxecto de futuro para a cidade, posto que considera que o deporte é unha actividade que desborda o contexto das propias competicións, beneficiando moitos aspectos da cidade, tanto no eido afeccionado como no profesional.

    A actividade deportiva afecta e ten repercusión sobre múltiples ámbitos cívicos, como é a economía da cidade, a súa imaxe, a súa repercusión e a proxección cara ao exterior, a saúde e o modelo urbanístico, entre outros.

    Para Agustín Hernández, o Concello de Santiago debe establecer un contexto de colaboración estable, concreto e prioritario co único club deportivo de Santiago que milita na primeira categoría dunha liga de ámbito nacional, ademais está considerada como a segunda competición baloncestística con máis proxección a nivel mundial.

    Página 1 de 172